Верски календар

Од верските календари

15 јуни 2021 (МИА) ОД КАЛЕНДАРОТ НА МПЦ Според календарот на МПЦ (Јулијанскиот календар) денеска е 2 јуни. Денеска е Св. Еразмо Охридски.

15 јуни 2021 (МИА)

ОД КАЛЕНДАРОТ НА МПЦ

Според календарот на МПЦ (Јулијанскиот календар) денеска е 2 јуни.

Денеска е Св. Еразмо Охридски.

Овој светител беше родум од Антиохија, а живееше за време на царевите Диоклецијан и Максимијан. Се подвизуваше на Ливанската планина, а во Охрид дојде веќе како епископ за да го проповеда Евангелието. Во тоа време Охрид се уште беше пагански град. Тука со молитва го воскресна синот на некој си Анастас, кој потоа се крсти. Поради неговата проповед многумина поверуваа во Христа, па во Охрид тогаш пропаднаа скоро сите идолски жртвеници. Заради тоа светителот беше изведен пред суд од страна на Максимијан и затворен. Но, ангел го ослободи од затворот, како некогаш апостолот Петар. Потоа свети Еразмо за некое време замина во Кампања, а најпосле се повлече во градот Хермелија. Тука во мир го предаде својот дух на Бога во 303 година.

ОД КАТОЛИЧКИОТ КАЛЕНДАР

Денеска е Св. Вид.

Бил роден во Сицилија. На седумгодишна возраст поради верата во Христос, морал да побегне во далечната Луканија, иако неговиот татко го сакал, тој да се откаже од верата. Тоа се случувало за време на Диоклецијановите прогонства. Свети Вид бил измачуван на почетокот на прогонствата, во 304 година. Неговото учење за црквата се проширило низ цела Европа.

Back to top button
Close
Close