0_Maqedoni.Portal0_Web_AktualeKronikëKronikë.PortalMakedonija.SlajderShoqëriVideo deklaratë

Njëzet e tetë emigrantë janë gjetur në Llojan dhe Vaksincë, arrestohen tre persona

Njëzet e tetë emigrantë janë gjetur në mëngjes në një aksion  të policisë  gjatë bastisjes  në dy shtëpi në fshatrat Llojan dhe Vaksincë, ndërsa tre persona janë arrestuar  në lidhje me rastin.

Shkup, 20 shtator 2020 (MIA) – Njëzet e tetë emigrantë janë gjetur në mëngjes në një aksion  të policisë  gjatë bastisjes  në dy shtëpi në fshatrat Llojan dhe Vaksincë, ndërsa tre persona janë arrestuar  në lidhje me rastin.

Siç informon sot Suzana Praniq Talevska, nga Sektori për marrëdhënie me  opinionin në MPB,  pjesëtarët e Qendrës rajonale për punë kufitare Veri në bashkëpunim me Njësinë për sistemim të parë dhe  nëpunës policor  nga SPB Kumanovë, pas urdhrit të dhënë paraprak nga Gjykata Themelore Kumanovë herët në mëngjes kanë kryer  bastisje në dy shtëpi në fshatrat për shkak të dyshimit për vepër penale të kryer “fshehje të emigrantëve”.

“Gjatë bastisjes së kryer në shtëpinë dhe hapësirat ndihmëse në pronësi të personit Q.A.(66) në fshatin Vaksincë janë gjetur  10 persona emigrantë nga Bangladeshi për shkak të së cilës Q.A. dhe F.A.(27) të dy nga fshati Vaksincë janë arrestuar, ndërsa në fshatin Llojan  gjatë bastisjes   së shtëpisë dhe hapësirave ndihmëse në pronësi të A.A. (48) i cili për momentin është jashtë shtetit janë gjetur gjithsej 18 persona emigrantë, prej të cilëve 16 nga Pakistani dhe dy nga Afganistani mes të cilëve edhe katër fëmijë të mitur. Në lidhje me ngjarjen  është arrestuar personi Z.A. nga fshati Lojane”, informon Praniq Talevska.

Gjatë ditës së sotme personat e arrestuar do të nxirren para gjykatës, emigrantët do të dërgohen në qendrën pranuese “Vinojug” në Gjevgjeli, ndërsa deri te PTHP për ndjekje të krimit të organizuar dhe korrupsionit kundër këtyre personave do të ngriten padi përkatëse për shkak të dyshimit për vepër penale të bërë “fshehje të emigrantëve” sipas nenit 418 të Kodit penal.

Praniq Talevska ka informuar edhe për një rast  të tregtisë me drogë në rajonin e Kërçovës.

“Gjatë ditës së djeshme Reparti për  polici të  kriminalistikës pranë Zyrës për siguri publike në bashkëpunim me Repartin  për operacione speciale policore dhe nëpunës policor  nga SPB Ohër, RPB Kërçovë në suaza të aksionit operativ qëllimi i së cilës është  përfundimisht dhënia fund tregtisë me  droga narkotike, ndërmorën masa dhe aktivitete për privim nga liria të dilerëve në rajonin e Kërçovës”, deklaroi sot Praniq Talevska.

Ajo përmendi se dje në orët e mbrëmjes në qendrën e Kërçovës është ndaluar një automjet  “audi” i drejtuar nga S.A.  ku si bashkëshofer ka qenë vëllai i tij A.A. Gjatë kontrollit të kryer të automjetit janë gjetur disa pako me marihuanë, vlerë e madhe e mjeteve në para dhe thikë.

“Pas urdhërit të dhënë paraprak nga gjykatësi i procedurës paraprake të Gjykatës Themelore në Kërçovë është kryer bastisje në shtëpinë e tyre në Kërçovë me ç’rast janë gjetur kokainë, heroinë, marihuanë, peshore për matje dhe vlera të mëdha të mjeteve në para për të cilat ekziston dyshimi se vijnë nga shitja e  drogës narkotike”, theksoi ajo.

Theksoi se përveç kësaj, kundër këtyre personave S.A. dhe A.A. në periudhën e fundit janë ngritur vepra të shumta penale deri te prokurori kompetent dhe gjykata edhe për sjellje agresive dhe  të dhunshme, rrezikim të sigurisë përmes kërcënimeve serioze  ndaj qytetarëve, nëpunësve policor dhe familjeve të tyre të cilët për fat të keq  kanë përfunduar pa rezultat.

Kundër këtyre dy personave do të ngritet padi penale sipas nenit 215 me propozim për përcaktim të masës së paraburgimit. sa/

Прес Сузана Праниќ Талевска – МВР

Posted by MИА.mk on Недела, 20 септември 2020

 

Провери го и ова

Close
Back to top button
Close
Close