0_Македонија.ПорталПолитички партии

Николоски со реакција на повикот од СДСМ за негова оставка

Читам Заев побарал да си поднесам оставка. Знам дека тоа му е желба уште од изборите кога му отидов на гостински терен во „неговата“ четворка и го победив во 12 од 19 општини, а тој не го направи резултатот кој што го очекуваше.

Скопје, 23 декември 2020

Читам Заев побарал да си поднесам оставка. Знам дека тоа му е желба уште од изборите кога му отидов на гостински терен во „неговата“ четворка и го победив во 12 од 19 општини, а тој не го направи резултатот кој што го очекуваше. Таа желба нема да му се оствари, напротив! Заев ќе биде поразен на следните избори од ВМРО-ДПМНЕ предводено од Христијан Мицкоски.

Збор два околу фактите – нека си провери Заев каде и какви изјави давал Пендаровски, а за мене и моите изјави:

– Кажав уште во 2018 дека има договор за Македонија да се стави во група со Албанија, ми велеа дека е научна фантастика. Неколку месеци подоцна се потврди, таа група со Албанија ја влече Македонија назад.

– Кажав дека Македонија со Заев нема да добие датум ни во 2018, ни во 2019, ни во 2020. Ме омаловажуваа и навредуваа ама и тоа се оствари.

– Кажав дека нема Премиер на развиена западноевропска држава што ќе го прими Заев во официјална посета после корупциската афера Рекет. И тоа се потврди!

Почекајте и не брзајте и сега со реакции. Кој последен се смее најслатко се смее.

Вие сте принцови на лажните вести и лагата!

А за тоа на кое ниво ја донесовте Македонија економски уништена во здравствена криза и национално понижена ќе си одговарате прво на избори, па и правно.

 

Со почит,
Центар за комуникации на ВМРО-ДПМНЕ

____________________________________________________________________________________________________________________________________________________________

 

МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.

 

Back to top button
Close
Close