Svet.SlajderСветСвет.Портал

Научниците сè уште не се согласни дали е можна инфекција со Ковид-19 од воздух

Група истражувачи од Универзитетот во Флорида успеа да изолира жив примерок од новиот коронавирус од воздухот, што на оддалеченост од два до пет метри беше земен од пациенти, хоспитализирани поради инфекција со Ковид-19, објави Њујорк тајмс

Вашингтон, 13 август 2020 (МИА) – Група истражувачи од Универзитетот во Флорида успеа да изолира жив примерок од новиот коронавирус од воздухот, што на оддалеченост од два до пет метри беше земен од пациенти, хоспитализирани поради инфекција со Ковид-19, објави Њујорк тајмс.

Научниците тоа го објавија минатата недела на интернет. Студијата сè уште не е рецензирана, но предизвика дебата.

Експертите наведуваат дека не е јасно дали количеството вирус пронајдено во воздухот е доволно да зарази друго лице.

– Обидите да се земат таквите минијатурни капки најчесто го оштетуваат вирусот. Многу е тешко да се земе примерок од биолошки материјал од воздух, а да е употреблив. Мораме на паметен начин да ги собираме примероците, за да бидат слични на тие што ги вдишуваат луѓето, посочи инженерката Сели Милер, која го проучува квалитетот на воздухот и болестите што се пренесуваат преку него.

Додека вирологот Линси Мар истакна дека тоа е доказ дека заразниот вирус опстојува во воздухот.
Претходните обиди да се истражи ширењето на Ковид-19 по пат на аеросоли беа неуспешни поради земањето примероци. Една група успеа да го изолира вирусот, но не успеа да докаже дали вирусот е заразен.

Истражувачите од Универзитетот во Флорида земените примероци ги зачуваа така што прво ги зголемија со водена пареа, па ги префрлија во течност полна со соли, шеќери и протеини, за да го зачуваат патогенот.
Истата медтодологија била применета кога биле земани примероци од болничките соби, но тогаш не успеаја да го изолираат новиот коронавирус поради присутноста на други респираторни вируси. ми/

Таг
Back to top button
Close
Close