Дописници МКДОпштински вести

На бесплатна бања ќе одат 42-ца пензионери од дебарско

Правото на бесплатна бањско-климатска рекреација, годинава ќе го користат 42-ца пензионери од општините Дебар и Центар Жупа.

Дебар, 12 март 2020 (МИА) – Правото на бесплатна бањско-климатска рекреација, годинава ќе го користат 42-ца пензионери од општините Дебар и Центар Жупа.

– Правото на бесплатна бања ќе го користат во познатите по својата лековитост „Дебарски Бањи-Цапа“. Сите 42-ца пензионери на бањи ќе престојуваат од 26 мај до први јуни, информираат од деловната единица на Фондот за пензиско и инвалидско осигурување, која со својата активност ги покрива двете општини.

Споредено со минатата година бањско-климатска рекерација ќе користат петмина пензонери повеќе.

Од почетокот на реализација на овој владин проект, во 2010 година, од двете општини, каде има над две илјада пензионери, оваа поволност преку Министерството за труд и социјална политика, ја исползувале околу 500 пенизонери.

Освен што се повеќе од задоволни пензионерите, задоволството не го кријат и од управата на Дебарски Бањи-Цапа, бидејќи средствата остварени по овој основ се добредојдени и се насочуваат кон осовременување на капацитетите во двата бањски локалитети – Косоврасти и во Бањиште.

Во двата локалитета традиционално престојуваат и пензионерите од Битола, Гостивар, Кичево, Струга, Охрид, Ресен, Тетово и дел од Скопје. вт/мс/

Провери го и ова

Close
Back to top button
Close
Close