ХроникаХроника.Портал

МВР Билтен (ДПЛ)

Полициски службеници од СВР Битола во текот на викендот извршиле контрола за алкохол, брзина, управување без возачка дозвола, нерегистрирани возила, непочитување првенство.

Скопје, 10 декември 2019 (МИА) – Полициски службеници од СВР Битола во текот на викендот извршиле контрола за алкохол, брзина, управување без возачка дозвола, нерегистрирани возила, непочитување првенство. Притоа, констатирано е дека 13 возачи управувале возило без возачка дозвола, 12 возила биле нерегистрирани. Под дејство на алкохол биле 16 возачи и тие биле исклучени од сообраќај, 12 возачи не користеле заштитен појас, а 21 возач зборувал на мобилен телефон.

На 08.12.2019 во 08:30 часот во Полициската станица Велес, Д.Т.(66) од Велес пријавил дека на Градскиот пазар бил каснат од куче скитник во пределот на левата потколеница.

На 10.12.2019 околу 04:00 часот во казино на ул.„Борче Јовановски“ во Гостивар, полициски службеници на СВР Тетово – Полициска станица Гостивар ги привеле С.Ф.(31) од гостиварско Беловиште и В.М.(37) од Гостивар, кои во алкохолизирана состојба физички се пресметувале. При приведувањето, С.М. се однесувал агресивно кон полициските службеници. По целосно документирање на случајот, против нив ќе биде поднесен соодветен поднесок.

На 09.12.2019 год. во 20:38 часот во СВР Скопје, Ј.Е.(69) од Скопје, В.Г.(37) и П.Д.(42), двајцата од с.Долно Лисиче, скопско, пријавиле дека околу 20.30 часот на бул.„Кузман Јосифовски Питу“ биле физички нападнати од К.Ф.(31) од Скопје. Сочинет е записник за констатиран прекршок по член 12 од Законот за прекршоците против јавниот ред и мир.

На 10.12.2019 во 00:03 часот во СВР Скопје, М.А.(21) од с.Инџиково, скопско, пријавил дека на 09.11.2019 околу 23:50 часот во угостителски објект на бул.„Кузман Јосифовски Питу“ бил физички нападнат од Б.Б.(22) од Скопје. Сочинет е записник за констатиран прекшок по член 12 од Законот за прекршоците против јавниот ред и мир.

На 09.12.2019 во 16:00 часот во СВР Скопје било пријавено дека на ул.„Самоилова“ Б.Н.(51) од с.Чучер – Сандево, скопско, околу 13.00 часот Р.Ч., кого го познавал од порано и уште едно лице се обиделе да го нападнат со остар предмет, но по интервенција на полициски службеник кој обезбедувал објект, напаѓачите побегнале. Се преземаат мерки за расчистување на случајот. ев/

Back to top button
Close
Close