Лос Анџелес, 11 јануари 2017 (МИА) - Поројни дождови и врнежи од снег погодија делови од Калифорнија, Невада и Орегон рано изутринава, поради што се затворени дел од патишта и училиштата.

На делови на планинските вериги налетот на ветрот достигна до 160 километри на час.

Националната метеоролошка служба предупреди за можни снежни бури и лавини во некои ски-центри, како и за поплави во пониските делови на Северна и Централна Калифорнија и Западна Невада поради можноста потоците и реките да се излеат од своите корита.

На неколку места во погодените области отворени се евакуациски центри. ссм/14:34

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.