• A-
  • A
  • A+
четврток, 20 септември 2018, 

Дејвид Коперфилд на суд мораше да открие трик

Дејвид Коперфилд на суд мораше да открие трик

Лас Вегас, 20 април 2018 (МИА) - Познатиот илузионист Дејвид Коперфилд мораше да открие еден од своите трикови пред Суд во Лас Вегас, откако учесник во трикот покрена тужба поради повреда.

Гавин Кокс, 58-годишен британски турист, го тужи магионичарот поради немарност, откако паднал и се повредил за време на трикот „Laki #13“ (среќен број 13) во Лас Вегас.

Иако адвокатите тврдеа дека Коперфилд со откривање на тајната би претрпел финансиска штета, сепак судијата инсистираше да добие одговор.

Илузионистот, кој претходно без никакви проблеми го извел трикот над илјада пати, прави 13 случајно избарни гледачи да „исчезнат“, откако ќе ги прекрие со завеса, а потоа се појавуваат во задниот дел од салата.

Пред судот беше откриено дека гледачите по покривањето со завесата преку тајни ходници ја напуштаат сцената и потоа се враќаат низ задната врата.

- Доколку сум направил нешто погрешно, тогаш би бил виновен, нагласи Коперфилд пред Судот.

Британскиот турист Кокс, кој при трикот го повредил рамото, тврди дека страда од хронични болки, како и дека на лекување потрошил над 400 илјади долари. дб/сп/19:55

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ