BallkanBallkan.PortalKorrespondentë Botë

Mjekët serb kërkojnë ndryshimin e Shtabit të krizës, vendi gjendet në katastrofë shëndetësore

Një grup prej 350 mjekësh në Serbi, nën emrin "Të bashkuar kundër Kovid" me letër të hapur deri te Qeveria dhe institucionet tjera kompetente, distancohen nga Shtabi republikan i krizës për luftë kundër Kovid-19 dhe kërkojnë ndryshimin e tij, duke vlerësuar se Serbia gjendet në "katastrofë shëndetësore publike".

Beograd, 21 korrik 2020 (MIA) – Një grup prej 350 mjekësh në Serbi, nën emrin “Të bashkuar kundër Kovid” me letër të hapur deri te Qeveria dhe institucionet tjera kompetente, distancohen nga Shtabi republikan i krizës për luftë kundër Kovid-19 dhe kërkojnë ndryshimin e tij, duke vlerësuar se Serbia gjendet në “katastrofë shëndetësore publike”.

Siç njofton televizioni N1, mjekët të cilët e kanë nënshkruar letrën e hapur, kërkojnë të formohet Shtab i ri krize, të hetohen akuzat për mbulimin e të dhënave dhe të ndërpritet “frikësimi dhe politizimi të cilët e shkelin dinjitetin personal të punonjësve shëndetësor”.

Mjekët në letër theksojnë se kanë vendosur të paraqiten në opinion “sepse nuk shohin zgjidhje tjetër për katastrofën e shëndetit publik në të cilin gjendet Serbia”, me rastin e epidemisë të koronavirusit, si dhe se betimin e Hipokratit dhe etika e përgjithshme i obligon në këtë.

“Lehtësimi i tërësishëm i masave restriktive në periudhën parazgjedhore (tubime, ndeshje,turniere, manifestime) ka sjell deri në humbjen e kontrollit ndaj situatës epidemiologjike dhe kjo në asnjë rast nuk mund të arsyetohet me motive profesionale”, vlerësuan mjekët.

Mjekët deklarojnë se “tërë kjo seriozisht e ka dëmtar sistemin shëndetësor dhe e kanë minuar besimin dhe qytetarëve dhe punonjësve shëndetësor, dhe për këto arsye ato dun të distancohen nga Shtabi republikan i krizës për luftë lundër Kovid-19”.

Nënshkruesit e letrës së hapur kërkojnë edhe hetim të pavarur nëse të dhënat janë fshehur qëllimisht dhe konfirmimi i përgjegjësisë për këtë. ob/sn/ 

Таг
Back to top button
Close
Close