Svet.SlajderСветСвет.Портал

Министерка од Мадагаскар сменета заради изразена недоверба во чајот од пелин

Министерката за образование на Мадагаскар, Ријасо Андриманана е сменета од функцијата откако најави дека на студентите ќе им купи слатки за да можат да го измијат „горчливиот вкус“ на чајот од пелин, за кој претседателот на оваа земја тврди дека е лек против коронавирусот.

Атананариво, 5 јуни 2020 (МИА) – Министерката за образование на Мадагаскар, Ријасо Андриманана е сменета од функцијата откако најави дека на студентите ќе им купи слатки за да можат да го измијат „горчливиот вкус“ на чајот од пелин, за кој претседателот на оваа земја тврди дека е лек против коронавирусот.

Министерката Андриманана претходно изјави дека ќе нарача слатки во вредност од 2,2 милиона долари што ќе се земаат заедно со тоникот од пелин, за што експертите предупредуваат дека е бескорисен во борбата против Ковид-19, пренесува „Гардијан“.

Таа изјави дека слатките треба да го измијат горчливиот вкус на пијалокот, што претседателот Андри Рајоелина има намера да го извезува, тврдејќи дека тоа е „зеленото злато на Мадагаскар“,  кое ќе ја „промени историјата“. сд/

Back to top button
Close
Close