МИА Радио флешПакети

МИА Радиофлеш

20 јануари 2021

20 јануари 2021

На Kлиниката за детски болeсти беше предадена донација од Амбасадата на Израел на иницијатива на амбасадорот Дан Оријан, соопшти Министерството за здравство.

– Во Берово ќе се гради споменик на четворицата бранители кои загинаа во конфликтот во 2001 година. За таа цел како што информираа од Општината во тек е јавен конкурс за изработка на идеен проект за подигање на спомен обележјето.

Ефикасна борба против корупцијата е неопходна за напредок на земјата и за подобар живот на граѓаните, напиша на Твитер евроамбасадорот Дејвид Гир по средбата со претседателката на Антикорупциската комисија Билјана Ивановска.

Министерот за внатрешни работи Оливер Спасовски денеска имаше работна средба со амбасадорот на Франција во земјава Сирил Бомгартнер. На средбата, како што соопштија од МВР, биле потврдени пријателските односи, довербата и отсуството на отворени прашања помеѓу двете држави, како и поддршката што Француската Република и ја дава на Република Северна Македонија.

Албанија е рангирана на шестото место во светот според бројот на дозволи за престој што нејзините граѓани ги добиле во земјите на Европската унија и прва во однос на бројот на популацијата,наведува весникот Монитор.

– Директорот на Европската агенција за заштита на границите (ФРОНТЕКС), Фабрици Лаџери нема да поднесе оставка, изјави портпаролот на Агенцијата, истакнувајќи дека ФРОНТЕКС не е вмешана во назаконско одбивање на мигрантите.

– Првиот говор на Џо Бајден како претседател нема да биде за Доналд Трамп, изјави денеска портпаролката на новоизбраниот претседател, Џен Псаки, само неколку часа пред почетокот на инаугирацијата, јави ДПА.

– Директорот на Агенцијата за млади и спорт (АМС), Наумче Мојсовски денеска организираше прием по повод пласманот на македонската одбојкарска репрезентација на 32-то Европското првенство (ЕП), што ќе се одржи во четири европски држави во втората половина на годинава.

Back to top button
Close
Close