МИА Радио флешПакети

МИА Радиофлеш

13 декември 2019

13 декември 2019

– Евентуалното повторно одложување напролет на одлуката за почеток на преговорите за членство на Северна Македонија и Албанија во ЕУ би бил многу сериозен удар. Повторувањето на стратегиската грешка од октомври би можело да има многу длабоки, непредвидливи, а можеби и непоправливи последици, оценува претседателот Стево Пендаровски во интервју за германски „Шпигел“.

– „Среќна и безбедна 2020 година во семејно и пријателско дружење“ е кампањата што ја започнаа Секторот за превенција на СВР Скопје во соработка со Црвениот крст со цел да се подигне свеста за последиците од користењето на пиротехничките средства.

– Во Кривичниот суд Скопје денеска треба да продолжи судењето за предметот „Талир“, кој се однесува на незаконско финансирање на партијата ВМРО-ДПМНЕ.

– Обединетиот синдикат на образованието, науката и културата на Косово (СБАШК) и Федерацијата на синдикатите на здравството на Косово (ФСШК) денеска одржуваат штрајк во знак на револт поради одложување на примената на новиот Закон за плати од страна на косовскиот Уставен суд, јави дописникот на МИА од Приштина.

– Британските либерални демократи соопштија дека ќе изберат нов лидер следната година откако Џо Свинсон го загуби своето место во Парламентот на вчерашните избори во Велика Британија.

– Воен тим од Нов Зеланд слета утрово на Белиот остров во потрага по телата на луѓето кои загинаа при ерупција на вулканот.

Back to top button
Close
Close