МИА Радио флешПакети

МИА Радиофлеш

1 септември 2020

1 септември 2020

– Вицепремиерот задолжен за европски прашања во новата Влада и досегашен министер за надворешни работи Никола Димитров како историски ги оцени изминатите три години додека ја извршуваше фунцијата шеф на дипломатијата, пред се, како што рече, поради членството во НАТО, решавањето на спорот со Грција, и почнувањето на историскиот процес со Бугарија. Во наредниот период во кој ќе раководи со СЕП, како што истакна, фокус во работата ќе му биде почеток на пристапниот процес за ЕУ и успешно водење на преговорите за членство во Унијата.

– Од Институтот за трансфузиона медицина информираат дека досега се обезбедени 88 единици конвалесцентна плазма, од вкупно 53 донори. Со крвна плазма се третирани околу 70 пациенти. Во моментов, установата располага со 16 единици конвалесцентна плазма спремна доколку се појави потреба за третман на пациент.

– Поради регистрирани 28 позитивни случаи на Ковид-19, центар за згрижување на деца бегалци без придружба во атинска населба, од синоќа е во 14- дневен карантин, јави дописничката на МИА од Атина.

– Во Франција денеска почна учебната 2020-2021 година по цели шест месеци отсуство, со сосема нови правила, нови грижи за родителите, учениците и професорите, јави дописникот на МИА.

– Авион за радиолокациско извидување на воено-морските сили на САД од типот E-2 C „Хокај“ синоќа се урнал на копно недалеку од брегот на Вирџинија, сите четворица членови на екипажот успеале да се катапултираат.

 

Back to top button
Close
Close