МИА Општински пулПакети

МИА Општински пул

26 февруари 2021

Скопје, 26 февруари 2021 (МИА) – Советот на Општина Центар, на последната 61-ва седница ги донесе Програма за поставување урбана опрема за дел од подрачјето на Општина Центар за период од 2020-2025 и Одлуката за утврдување потреба за поставување на урбана опрема и условите, начинот и постапката за издавање одобрение за поставување урбана опрема на јавни површини.

Од општинската прес-служба информираат дека задача и цел на донесените документи е да се унапреди јавниот простор, да се подобри неговото користење, да се овозможи насочување и заштита на сите учесници во сообраќајот и да се обезбеди заштита на јавниот интерес.

Берово, 26 февруари 2021 (МИА) – Во Берово одржана средба со граѓаните од ромската заедница во врска проектот за подобрување на условите за живеење на ромските заедници. Билјана Каламадевска од Општина Берово информираше дека главна цел на проектот е унапредување во домувањето, образованието и економските можности за Ромите кои живеат во голема сиромаштија, преку подобрување на нивните услови за домување и пристап до социјални услуги.
-Во просториите на Општина Берово се одржа состанок со граѓаните од ромската заедница и претставници од семејствата, чии домови ќе бидат реконструирани согласно претходно извршена анализа од овој проект земајќи го во предвид материјалниот и социјален статус. Во рамки на средбата целната група беше информирана за текот на активностите, временската рамка и одредувањето на приоритет за реновирање на куќи, истакна Каламадевска.
Проектот кој финансиски е поддржан од ЕУ, Општина Берово го реализира со Општина Штип и истиот како што додаде Каламадевска, ќе биде имплементиран во период од 36 месеци сметано до 2021 година.

Скопје, 26 февруари 2021 (МИА) – Водостојот на речиси сите реки во земјава денеска е намален во однос на вчерашниот ден, покажуваат денешните мерења на Управата за хидрометеоролошки работи.

За пет сантиметри е намален водостојот на Вардар кај Скопје и Велес, за осум сантиметри на Црна Река кај Новаци, а кај останатите реки за два до три сантиметри.

Скопје, 26 февруари 2021 (МИА) – На патниот правец Кичево-Охрид кај делницата Пресека -Врбјани денеска меѓу 12 и 15 часот ќе има краткотраен прекин на сообраќајот поради минирање.

Прекинот, како што информира Авто Мото сојузот на Македонија, ќе биде во времетраење од 15 до 20 минути.

Back to top button
Close
Close