МИА Општински пулПакети

МИА Општински пул

1 февруари 2021

Скопје, 1 февруари 2021 (МИА) – Општина Центар на продолжението на 59 седница го изгласа донесувањето на новиот урбанистички план Градска четврт Ц 04 – Дом на градежници, со кој се предвидува поголемо зеленило во градот. Градоначалникот Саша Богдановиќ на презентацијата на планот истакна дека со новите ДУП-ови во Центар зачувани биле над 13.000 метри квадратни парковско зеленило.

Станува збор за градска четврт која во голем дел е реализирана и голем дел од објектите се задржуваат во постојна состојба.

Охрид, 1 февруари 2021 (МИА) – Центарот за интегриран развој Охрид – ЦИРО, со поддршка на Германското друштво за меѓународна соработка ГИЗ ја креира првата туристичка мобилна апликација „Discover Ohrid“.

Проектот и плаикацијата се осмислени да придонесат кон зголемување на конкурентноста и одржливоста на охридскиот туристички сектор преку дигитализација на туристичките потенцијали и услуги. Истовремено се очекува апликацијата да ја подигне свеста за културното и природото наследство на Охрид и потребата за нивна заштита, а со вклучување на услуги од активниот туризам, угостителство и занаетчиство, поддршка се дава и на локалните бизниси што е од особено значење во кризата предизвикана од КОВИД-19.

Гевгелија,1 февруари 2021 (МИА) – Една од водечките мрежи за дистрибуција на свеж зеленчук и овошје во Европа, „Greenyard“, денеска на онлајн презентацијата во Германија ја претстави и гевгелиската компанија „Виторија Фруит“ меѓу компаниите кои имаат производствен потенцијал за извоз во големите европски синџири на супермаркети.

-Бевме претставени како пример на компанија која само за неколку години од соработката со организаторот на презентацијата, успеала да ги воведе сите стандарди на квалитет, безбедност и пакување трпезно грозје и токму од тие причини добивме статус на сигурен партнер на мрежата „Greenyard“. Тоа значи дека нашето трпезно грозје е на чекор до најголемите европски супермаркети, велат од „Виторија Фруит“.

Делчево, 1 февруари 2021 (МИА) – По повод Светскиот ден на мајчиниот јазик, локалната библиотека „Илинден“ од Делчево распиша јавен конкурс за поезија и проза на тема „Јазикот е мојата татковина“. Конкурсот како што информираше директорката Биљана Петровска, ќе се реализира во соработка со воспитно-образовните установи од градот.

-Право на учество на конкурсот имаат сите ученици од прво до деветто одделение. Секако тоа ќе го реализираме заедно со наставниците по македонски јазик од двете основни училишта во Делчево. Ова нека биде јавна покана до сите ученици, доколку го сакаат убавиот пишан збор и сакаат да творат, да напишаат творба проза или поезија и да ја испратат до библиотеката по пошта на ул. „Светозар Марковиќ“ бр.1, или да ја проследат до своите наставници по македонски јазик, рече Петровска.

 

 

 

Провери го и ова

Close
Back to top button
Close
Close