МИА Општински пулПакети

МИА Општински пул

15 јануари 2021

15 јануари 2021

Тетово  – За само неколку часа Општина Тетово го затвори јавниот повик за поднесување пријави за добивање субвенции за набавка на инвертер клима уред. Причината е во тоа што бројот од 89 апликанти на јавниот повик бил пополнет и истиот се затвора со што повеќе нема да се примаат новодојдени апликанти. Утринава имаше голема турканица за достава на документите во архивата на општината.

– Овој Јавен повик се затвора пред предвидениот рок од две причини пополнетост на број на апликации 89 и да се избегнат гужвите кои се создаваат во холот на општината, а во услови на Ковид 19. Понатамошната постапка на процедурата ќе се спроведува според условите објавени во Јавниот повик од 14.01.2020 година објавен преку официјалната страна на општина Тетово, информираа од тетовската локална самоуправа.

Штип – Општина Штип и годинава нема да врши набавка на возила ниту за градоначалникот, ниту за општинската администрација. Градоначалникот на Општина Штип, Сашко Николов е дециден дека Општина Штип нема да врши набавки на возила заради луксуз, туку согласно законските можности, единствено ќе користи донации. Од денеска во функција ќе стави возило, коешто во септември 2019 година и е доделено од страна на Агенцијата за управување со одземен имот.

-Возилото Ауди А6, ќе се користи исклучиво за потребите на општинската администрација, со цел уште поефикасно и експедитивно извршување на работните обврски, и поголема продуктивност во нивното реализирање. Активностите на општинската администрација се во интерес на граѓаните и многу е важно сите зададени задачи да бидат навремено извршени, вели Николов.

Македонска Каменица – Општина Македонска Каменица ќе прави урбанистички планови заедно со граѓаните. Во таа насока се одржа првиот состанок на новоформираното Партиципативното тело кое ќе биде вклучено во носењето на урбанистичките планови во Општината.

Како што информираа од Општината, телото треба да ги следи состојбите во планирањето преку давање на иницијативи, насоки и сугестии за изготвување на плански решенија на урбанистичките планови во нивната работна верзија.

Скопје – Општина Центар објави јавен повик за прибирање барања за користење средства од Буџетот на Општина Центар за 2021 година, наменети за финансирање на програмските активности на здруженијата и фондациите.

– Распределбата на средствата од Буџетот на Општина Центар за 2021 година ќе се врши во согласност со Правилникот за постапката и начинот на распределба на финансиски средства од Програмата за финансирање на програмските активности на здруженијата и фондациите на Општина Центар за 2021 година и врз основа на наведените критериуми и приоритети, соопштија од Општина Центар.

Back to top button
Close
Close