БалканБалкан.ПорталДописници Свет

Мета – Радев: За мигрантската криза потребен е дијалог и оперативен план

Претседателите на Албанија, Илир Мета и на Бугарија, Румен Радев, на денешната прес-конференција одговорија на прашање околу ситуацијата на турско – грчката граница, со големиот прилив на мигранти.

Тирана, 5 март 2020 (МИА) – Претседателите на Албанија, Илир Мета и на Бугарија, Румен Радев, на денешната прес-конференција одговорија на прашање околу ситуацијата на турско – грчката граница, со големиот прилив на мигранти.

Мета смета дека е потребен дијалог за да се избегнат какви било инциденти.

– Ние тесно соработуваме со Фронтекс и секогаш сме заинтересирани да промовираме дијалог и здружување на силите за да избегнеме какви било инциденти или загрозување на животот на мигрантите за да може ова прашање да напредува. Состојбата да се надмине со дијалог, со ангажирање на ЕУ и на НАТО, бидејќи покрај хуманитарниот проблем, треба да се занимаваме и со проблемот од аспект на безбедноста, изјави Мета.

Неговиот бугарски колега Радев рече дека е потребен оперативен план за заштита на границите.

– Предлагам да се подготви оперативен план за заштита на границите на ЕУ и градење капацитети во ЕУ за да може да се спречи хуманитарна криза. Не постои уникатно европско решение за проблемот со мигрантите, ниту оперативен план. Се надевам дека ќе се посвети поголемо внимание и ЕУ ќе разработи оперативен план во оваа насока, одговори Радев.

Тој посочи дека Турција не треба да биде оставена сама, но оти и Грција исто така мора да биде заштитена бидејќи ја чува европската надворешна граница. вт/гт/

Таг
Back to top button
Close
Close