БалканБалкан.Портал

Метју Палмер денеска во Сараево

Специјалниот претставник на САД за Западен Балкан Метју Палмер денеска ќе го посети Сараево, каде ќе се состане со членови на Претседателството на БиХ и други официјални претставници.

Сараево, 9 септември 2020 (МИА) – Специјалниот претставник на САД за Западен Балкан Метју Палмер денеска ќе го посети Сараево, каде ќе се состане со членови на Претседателството на БиХ и други официјални претставници.

Се очекува на состанокот со членовите на претседателството да се разговара за одлуката на Националното собрание на Република Српска според која меморандумот меѓу Централната изборна комисија на БиХ и Меѓународната фондација за изборни системи е штетен за виталните национални интереси.

Во фокусот на посетата на Палмер ќе бидат и економските теми, што го потврди претседателот на Советот на министри, Зоран Тегелтија.

Тегелтија рече дека за време на посетата на Палмер на Сараево, тој ќе разговара со него, пред сè, за проблемите со кои се соочува економијата на Босна и Херцеговина како последица од пандемијата на коронавирусот.

Палмер треба да го посети и Мостар, каде неодамна беше постигнат договор меѓу ХДЗ и СДА, под покровителство на меѓународната заедница, за одржување на локални избори после 12 години. јт/

Таг
Back to top button
Close
Close