0_Магазин.ПорталДизајн

Медицинска маска од злато со брилијанти

Порачката за една таква маска е на кинески бизнисмен кој живее во САД. Според изработувачите, маската ќе тежи околу 270 грама, што е речиси 100 пати повеќе од обичната медицинска маска.

Тел Авив, 10 август 2020 (МИА) – Израелски дизајнери работат на изработка на најскапата медицинска маска во светот. Цената, како што се предвидува, ќе изнесува скоро 1,5 милиони долари.

– Маската се состои од 18-каратно бело злато, а ќе биде украсена со 3.600 бели и црни брилијанти. По желба на клиентот, може да бидат додадени филтри Н-99, изјави дизајнерот Исак Леви, на компанијата за накит.

Порачката за една таква маска е на кинески бизнисмен кој живее во САД. Според изработувачите, маската ќе тежи околу 270 грама, што е речиси 100 пати повеќе од обичната медицинска маска.

– Една ваква маска може да биде сериозен предизвик во време на економска криза, кога стотици милиони луѓе ги загубија своите приходи, смета Леви.

Од друга страна пак, нарачката е добродојдена за неговата фирма којашто како и цел свет се соочува со корона-кризата.  си/ми/

Таг
Back to top button
Close
Close