0_Спорт.ПорталSport.SlajderОстанато

Македонските одбојкари ќе играат со Чешка, со Турција и со Естонија

Македонската репрезентација ги доби противниците за Европската златна лига 2020. „Спартанците“ во елитното европско натпреварување ќе играат во Ц-групата заедно со Чешка, Турција и Португалија.

Скопје, 17 декември 2019 (МИА) – Македонската репрезентација ги доби противниците за Европската златна лига 2020. „Спартанците“ во елитното европско натпреварување ќе играат во Ц-групата заедно со Чешка, Турција и Португалија.

  • Ова е тешка група, но на ова ниво лесна воопшто нема. Ние сме во кремот на одбојката и тоа е местото каде што заслужуваме да бидеме. Добро е во првиот натпревар ќе бидеме домаќини, ако успееме да победиме, тоа би бил одличен почеток. Секако дека ние не сме фаворити за влез на завршниот турнир, сепак ова не е како во сребрената лига, но имаме екипа којашто што може да направи нова историја доколку сме здрави сите. Мојот сон е три победи дома и една или две на гости, а тоа значи пласман на завршниот турнир, изјави капитенот Никола Ѓорѓиев за веб-страницата на Одбојкарската федерација на Македонија.

Во првиот меч македонската селекција ќе ја пречека Чешка, потоа гостува во Турција и Португалија. Овие три средби ќе се ориграат во мај следната година. Возвратните натпревари се закажани за јуни 2020 година.

Завршниот турнир со победниците од четирите групи ќе биде одигран викендот на 20 и 21 јуни во Белгија. Финалистите ќе обезбедат пласман во ФИВБ Челенџер купот и ќе имаат шанса да се борат за настап во Лигата на нации во 2021. зс/

Таг
Back to top button
Close
Close