0_Спорт.ПорталФудбал

Лајпциг се соочува со обвинувања за расизам

Германскиот фудбалски клуб Лајпциг е мета на критики и обвинувања за расизам, откако во јавноста излезе информација дека припадници на редарската служба, постапувајќи по дадени инструкции, отстраниле група од 20-тина Јапонци од трибините за време на меч во Бундеслигата.

Лајпциг, 3 март 2020 (МИА) – Германскиот фудбалски клуб Лајпциг е мета на критики и обвинувања за расизам, откако во јавноста излезе информација дека припадници на редарската служба, постапувајќи по дадени инструкции, отстраниле група од 20-тина Јапонци од трибините за време на меч во Бундеслигата.

Јапонците биле отстранети од стадионот со изговор „дека се ризична група и потенцијални преносители на коронавирус“ што наиде на остри осуди во германската јавност кои не беа ублажени ниту со клупското соопштение.

„Клубот само постапи по препораки на Институтот „Роберт Кох“. Персоналот кој се грижеше за безбедноста на стадионот ја интензивира проверката на одредени групи за кои постоеше сомнеж дека претставува ризик по останатите навивачи“, е наведено во соопштението на Лајпциг.

За жал, се додава во дописот на „биковите“, „направена е грешка од клубот кон јапонските гости на кои се извинуваме“. Но, извинувањето, сепак, не ги намали тензиите кај одредена дел од јавноста за таквиот потег на Лајпциг. сѓд/ссм/

Back to top button
Close
Close