Svet.SlajderБалканБалкан.ПорталДописници Свет

Краткорочните заменети со долгорочни закупнини во Грција

Ниту краткорочните закупнини од типот на „Ербиенби“ во Грција не останаа имуни на пандемијата на Ковид-19, а последиците од коронавирусот натераа голем дел од сопствениците, недвижнините да ги пренаменат за долгорочни изнајмувања, согласно истражувањето спроведено од „Ернест и јанг“ за трговската и индустриска комора во Атина.

Атина, 3 јуни 2020 (МИА) – Ниту краткорочните закупнини од типот на „Ербиенби“ во Грција не останаа имуни на пандемијата на Ковид-19, а последиците од коронавирусот натераа голем дел од сопствениците, недвижнините да ги пренаменат за долгорочни изнајмувања, согласно истражувањето спроведено од „Ернест и јанг“ за трговската и индустриска комора во Атина.

Според истражувањето, во одредени делови во Атина, кои до неодамна беа популарни населби на платформите за краткорочни закупнини, сега има зголемен број огласи за долгорочно изнајмување. Како пример се споменати неколку населби во кои има од 30 до 44 отсто зголемување на огласите за закупнина на поголем временски период, јави дописничката на МИА од Атина.

Вкупно 430 недвижнини повеќе не се достапни за краткорочен престој, додека пак просечната исполнетост во месец март двојно се намалила, од 82 проценти на од 41 отсто во однос на септември минатата година.

-Купопродажбата запре, платформите од типот на „Ербиенби“ доживеаја колапс, а сопствениците на недвижнините, гледајќи ги намалениот туризам и опаѓањето на приходите, се насочуваат кон долгорочни закупнини. До пред неколку месеци, во популарните туристички делови каде што имаше голема понуда на сместување од типот „ Ербиенби “, понудата на недвижнини за долгорочен закуп беше ограничена и цените на кириите на високо ниво. Сепак, денес ситуацијата се чини дека е променета. Новата реалност на пазарот на недвижности се чини дека носи зголемена понуда на станови за изнајмување, од кои голем дел се опремени, бидејќи до неодамна работеа како туристичко сместување од типот „Ербиенби“, во комбинација со намалени цени, пишува во истражувањето.

Претседателот на комората Константинос Михалос вели дека истражувањето детално ги регистрира тековните трендови во туризмот, кои за жал покажуваат дека конкретниот сектор е сериозно погоден од пандемијата. ср/sd/

Back to top button
Close
Close