0_Спорт.ПорталSport.SlajderТенис

Контавеит: Толку многу се навикнав на маската што отидов под туш со неа

Дваесет и третата тенисерка на светот, Анет Контавеит, која помина строг карантин во Мелбурн пред Грен слемот, рече дека Австралија практично го запре ширењето на коронавирусот и се врати во нормален живот.

Мелбурн, 1 февруари 2021 (МИА) – Дваесет и третата тенисерка на светот, Анет Контавеит, која помина строг карантин во Мелбурн пред Грен слемот, рече дека Австралија практично го запре ширењето на коронавирусот и се врати во нормален живот.

– Многу е невообичаено да се оди без маска и да се гледаат толку многу луѓе без маски. Толку се навикнав на маската, што минатата година на УС Опен отидов под туш со неа. Ова го сфатив кога веќе бев под вода.

Естонката зборуваше и за напуштање на карантинот.

– За разлика од некои играчи, јас не тренирав на полноќ. За среќа, тренерот побара да не се стори ова. Првиот тренинг го направив во саботата попладне – и не многу рано, бидејќи пред тоа легнав доцна поради преселба во друг хотел. Не се сеќавам дека некогаш сум уживала толку многу на тренинг. Не можев ниту да верувам дека можам да играм. Беше многу убаво. Обично немам проблеми поради паузи, брзо влегувам во игра. Но, треба внимателно да се однесувате за да не се повредите, па првите тренинзи беа лесни. Играм тенис скоро 20 години, така што нема да заборавам како да погодам. Само што на телото му треба време да се навикне на стрес, движење, повторно да дише, истакна Контавеит. зс/

Таг
Back to top button
Close
Close