0_Македонија.ПорталОпштество

Конкурсот за најдобри есеи за средношколци по повод Денот на Европа истекува утре

Европското движење во Република Северна Македонија соопшти дека утре (30 април 2020) истекува рокот за пријавување на Конкурсот за најдобри есеи за средношколци на тема „Заедно за иднината на Европската Унија“ што го организира  по повод одбележувањето на претстојниот Ден на Европа - 9 Мај.

Скопје, 29 април 2020 (МИА) – Европското движење во Република Северна Македонија соопшти дека утре (30 април 2020) истекува рокот за пријавување на Конкурсот за најдобри есеи за средношколци на тема „Заедно за иднината на Европската Унија“ што го организира  по повод одбележувањето на претстојниот Ден на Европа – 9 Мај.

Есејот треба да одговори на прашањето колку сме блиску до ЕУ и на кој начин младите можат да учествуваат во евроинтеграциските процеси, односно дали тие доволно ги познаваат европските вредности.

Условите од Конкурсот може да се прочитаат на линкот http://europeanmovement.org.mk/konkurs-za-najdobri-esei/

За најдобрите есеи, кои ќе бидат објавени на фејсбук-страницата и на интернет-страницата  Европското движење доделува парични награди, а Словенечката амбасада – обука во една европска држава.

-Сите активности за одбележување на Денот на Европа годинава ќе се одвиваат онлајн поради пандемијата на КОВИД-19, така што покрај конкурсот за најдобар есеј, Европското движење организира и избор за најдобра фотографија, онлајн-дебата за искуствата од Еразмус плус програмата, како и онлајн-квиз за знаењата за Европската Унија, соопшти Европското движење во Република Северна Македонија. хс/са/ 

Back to top button
Close
Close