БизнисБизнис.Портал

Компанијата Жито Лукс на странските пазари со истото име со препис латиница

Компанијата Жито Лукс соопшти дека за потребите при работа на странските пазари, извршена е промена на статутот на компанијата при што е направен препис на латиница на името.

Скопје, 24 јуни 2020 (МИА) – Компанијата Жито Лукс соопшти дека за потребите при работа на странските пазари, извршена е промена на статутот на компанијата при што е направен препис на латиница на името.

-Компанијата работи на македонскиот и странските пазари под целосното име: Друштво за производство на мелнички, пекарски и слаткарски производи, промет на големо и мало и увоз-извоз ЖИТО ЛУКС АД Скопје. Со цел за усогласување со скратениот назив на компанијата на македонски јазик, кој гласи Жито Лукс АД Скопје и е непроменет од 1991 година, кога компанијата беше во државна сопственост, сега е направено унифицирање на називот на латиница, односно направена е негова транскрипција, препис од кирилица. Со овој препис од кирилица на латиница, името на компанијата е непроменето и соодветно гласи Жито Лукс АД Скопје, односно Zito Luks AD Skopje. Станува збор за правно усогласување за потребите во правниот промет со странство. Ова унифицирање е извршено во интерниот статут на компанијата, се наведува во соопштението.

Како компанија, Жито Лукс е во земјава изминатите 74 години. вг/скс/

Back to top button
Close
Close