BotëBotë.Portal

KCNA: Koreja Veriore ka kryer testim “shumë të rëndësishëm”

Koreja e Veriut ka bërë të situr se ka kryer "një provë shumë të rëndësishme" në një vend të testimit të raketave me rreze të gjatë veprimi, që zyrtarët e Shteteve të Bashkuara më herët kanë thënë se është çmontuar pjesërisht, si pjesë e bisedimeve për denuklearizimin që Koreja e Veriut ka zhvilluar me SHBA-në.

Phenian, 8 dhjetor 2019 (MIA) – Koreja e Veriut ka bërë të situr se ka kryer “një provë shumë të rëndësishme” në një vend të testimit të raketave me rreze të gjatë veprimi, që zyrtarët e Shteteve të Bashkuara më herët kanë thënë se është çmontuar pjesërisht, si pjesë e bisedimeve për denuklearizimin që Koreja e Veriut ka zhvilluar me SHBA-në.

Njoftimi i 8 dhjetorit vjen vetëm një ditë pasi zyrtarët e Koresë së Veriut thanë se tema e denuklearizimit të Gadishullit Korean është hequr nga agjenda e bisedimeve me Shtetet e Bashkuara.

Koreja e Veriut po kërkon nga Uashingtoni që të heqë sanksionet ekonomike ndaj Phenianit, para se të vazhdohet tutje me denuklearizimin. Por, SHBA-ja thekson se çmontimi i vendeve ku kryhen prova bërthamore, duhet të ndodhë së pari.

Agjencia Koreane e lajmeve tha se prova është kryer më 7 dhjetor në vendin për lansimin e satelitëve në Sohae, në Tonghang-ri, që gjendet në perëndim të Koresë së Veriut.

Pasi Pheniani nisi bisedimet bërthamore më 2018, Uashingtoni dhe Seuli thanë se Koreja e Veriut ka çmontuar disa pjesë të ndërtesës në Tongshang-ri, por raportet e fundit të inteligjencës sugjerojnë se Koreja e Veriut është duke rindërtuar këtë fabrikë. mb/

Таг
Back to top button
Close
Close