0_Македонија.ПорталОпштество

Извршени 16 несродни трансплантации, земјава на мапата на светски центри за лекување најтешки заболувања на крвта

Во изминатата година и пол се извршени 16 алогени несродни трансплантации од европскиот регистер на доброволни донори и четири алогени полуидентични трансплантации. Со својата стручност и професионалност, Клиниката за хематологија застана рамо до рамо со најразвиените европски центри, а воедно се воспостави систем преку кој знаењето од нашите лекари се пренесува на идните генерации здравствени работници во нашата држава, информира денеска Министерството за здравство.

Скопје, 11 јули 2020 (МИА) –  Во изминатата година и пол се извршени 16 алогени несродни трансплантации од европскиот регистер на доброволни донори и четири алогени полуидентични трансплантации. Со својата стручност и професионалност, Клиниката за хематологија застана рамо до рамо со најразвиените европски центри, а воедно се воспостави систем преку кој знаењето од нашите лекари се пренесува на идните генерации здравствени работници во нашата држава, информира денеска Министерството за здравство.

Оттаму посочија дека првата несродна трансплантација на матични хематопоетски клетки во земјава е спроведена во ноември 2018 година на Универзитетската клиника за хематологија и оти тогаш за првпат оваа метода станала достапна во јавното здравство. Во јануари лани првпат е изведена алогена полуидентична трансплантација, што е уште една сложена процедура од областа на хематопоетските трансплантации.

– Со воведување на овие две нови здравствени услуги се подигна квалитетот на јавното здравство и Република Северна Македонија влезе на мапата на светски и европски медицински центри за лекување на најтешките заболувања на крвта. Двете најтешки хематопоетски трансплантации станаа достапни во нашата земја, со што пациентите за овие здравствени услуги повеќе не се упатуваат во странство, со што се овозможува поголема достапност на овие здравствени услуги за пациентите и помала оптовареност на здравствениот буџет, нагласуваат од Министерството за здравство. см/бак/

 

Провери го и ова

Close
Back to top button
Close
Close