Скопје, 28 мај 2021 (МИА) – Младиот македонски кошаркарски репрезентативец Лука Савичевиќ од следната сезона ќе настапува американската НЦАА лига, откако стана нов член на Универзитетот Источен Мичиген. -Лука е репрезентативец на Македонија, плејмејкер со одлична визија и чувство за играта. Има добри предиспозиции, височина од 190 сантиметри и дефинитивно е подготвен за следните предизвици бидејќи има интернационално искуство, изјави за тимската интернет страница, тренерот на тимот Стен Хит. Савичевиќ (19) во новата сезона ќе биде втор македонски репрезентативец во елитната дивизија од НЦАА лигата, покрај 20-годишниот Андреј Јакимовски, кој од лани е член на Универзитет Вашингтон.ег/свс/