Украина со беспилотни летала нападна четири руски рафинерии
- Украинската армија соопшти дека денеска извршила напади со беспилотни летала врз четири рафинерии, радарски станици и други воени цели на територијата на Русија.
![Украина со беспилотни летала нападна четири руски рафинерии](https://mia.mk/index.php/images/20240825122334_big_730x400_2.webp )
Kиев, 25 август 2024 (МИА) - Украинската армија соопшти дека денеска извршила напади со беспилотни летала врз четири рафинерии, радарски станици и други воени цели на територијата на Русија.
Наведено е дека украинските беспилотни летала ги нападнале рафинериите Афипски, Илиски, Краснодар и Астрахан.
Руската армија објави дека завчера соборила 70 украински беспилотни летала над Црното Море и Крим, 43 во Краснодарската област и едно беспилотно летало над Волгоград.
Се тврди дека рафинериите Афипски, Илски и Краснодар ја снабдуваат со гориво руската Црноморска флота.
Украинската војска соопшти дека нападнала и радарски станици и центри за собирање електронски податоци во Брјанската област и Крим, како и магацини за беспилотни летала и командни и контролни центри во Краснодар. рп/
Фото: Икс