Приведен крадец во Струмица
- Полициски службеници од Секторот за внатрешни работи Струмица вчера го лишиле од слобода Г.П.(41) од Струмица.
![Приведен крадец во Струмица](https://mia.mk/index.php/images/20231020105415_big_730x400_93.webp )
Скопје, 20 октомври 2023 (МИА) - Полициски службеници од Секторот за внатрешни работи Струмица вчера го лишиле од слобода Г.П.(41) од Струмица.
Тој, како што соопшти денеска МВР, се сомничи дека претходно во Струмица, од возило за дистрибуција на цигари одзел повеќе кутии цигари при што, кај него биле пронајдени 179 кутии разновидни цигари.
Лицето било задржано во Полициската станица Струмица, а по целосно документирање на случајот ќе биде поднесена соодветна пријава. љм/са/
Фото: МИА архива