Почина поранешниот селектор на Англија, Свен Горан Ериксон
- Почина поранешниот селектор на англиската репрезентација Свен-Еран Ериксон, објави Би-би-си.
![Почина поранешниот селектор на Англија, Свен Горан Ериксон](https://mia.mk/index.php/images/20240826135138_big_730x400_9.webp )
Лондон, 26 август 2024 (МИА) - Почина поранешниот селектор на англиската репрезентација Свен-Еран Ериксон, објави Би-би-си.
Во јануари, 76-годишниот Швеѓанец на радио станицата P1 призна дека му бил дијагностициран терминален карцином на панкреасот.
На 21 август, Ериксон пренесе порака во документарен филм посветен на неговиот живот: „Во најдобар случај ми останува уште една година“.
Последното место на работа на Ериксон беше шведскиот Карлштад, каде што беше спортски директор.
Како главен тренер, тој работеше во Рома, Фиорентина, Бенфика, Сампдорија, Лацио, репрезентацијата на Англија, Манчестер сити, Лестер, а беше селектор на Мексико, Брегот на Слоновата Коска и на Филипини. зс/
Фото: Епа