Поднесено обвинение против 33-годишен скопјанец за пукање
- Основното јавно обвинителство Скопје поднесе обвинителен акт против 33-годишен скопјанец кој пред зграда на улицата „Џон Кенеди“ во Скопје вперил пиштол, што го поседувал без дозола, кон три лица и потоа испукал еден куршум во воздух, со што извршил грубо насилство и предизвикал значителна опасност за животот на оштетените.
![Поднесено обвинение против 33-годишен скопјанец за пукање](https://mia.mk/index.php/images/20240104111925_big_730x400_87.webp )
Скопје, 4 јануари 2023 (МИА) - Основното јавно обвинителство Скопје поднесе обвинителен акт против 33-годишен скопјанец кој пред зграда на улицата „Џон Кенеди“ во Скопје вперил пиштол, што го поседувал без дозола, кон три лица и потоа испукал еден куршум во воздух, со што извршил грубо насилство и предизвикал значителна опасност за животот на оштетените.
Како што информираат од ЈОРСМ, по спроведена истражна постапка, јавен обвинител од ОЈО Скопје поднесе Обвинителен акт против 33-годишен скопјанец за кривични дела „неовластено изработување, држење, посредување и тргување со оружје и експлозивни материи“ од член 396 став 3 во врска со став 1, „насилство“ од член 386 став 1, како и „предизвикување општа опасност“ според член 288 став 1 од Кривичниот законик.
- Обвинетиот во својот автомобил Ауди Q5 неовластено држел огнено оружје пиштол марка AG-9 и две рамки со вкупно 30 куршуми. Пред зграда на улицата „Џон Кенеди“ го вперил пиштолот кон три лица, удирајќи со шлаканица еден од оштетените. Потоа испукал еден куршум во воздух. Со тоа извршил грубо насилство и предизвикал значителна опасност за животот на оштетените, а во јавноста предизвикал чувство на несигурност, загрозување и страв, се вели во соопштението од ЈОРСМ.
Јавниот обвинител до Основниот кривичен суд Скопје достави и посебен предлог за продолжување на претходно определената мерка притвор за обвинетиот. аа/са/
Фото: МИА архива