Од утре попладне и за викендот нестабилно, со пороен дожд и грмежи
- Според УХМР, за време на викендот и во почетокот на идната недела ќе биде нестабилно на повеќе места, локално во форма на невреме со интензивен пороен дожд, грмежи, силен ветер и град.
![Од утре попладне и за викендот нестабилно, со пороен дожд и грмежи](https://mia.mk/index.php/images/20240814115826_big_730x400_26.webp )
Скопје, 14 август 2024 (МИА) - И утре ќе се задржи многу топло време со максимална температура наместа над 40 степени и ќе биде активно портокаловото ниво за опасност од високи температури, информира УХМР.
Од утре и во следните денови во попладневните и вечерните часови ќе има локална појава на нестабилност со пороен дожд, грмежи и услови за краткотрајно невреме.
Според УХМР, за време на викендот и во почетокот на идната недела ќе биде нестабилно на повеќе места, локално во форма на невреме со интензивен пороен дожд, грмежи, силен ветер и град. мч/нд/
фото: МИА архива