Некои влезници за свеченото отворање на Олимписките игри се неважечки поради компјутерска грешка
- Неколку билети за церемонијата на отворањето на Олимписките игри (ОИ) се неважечки поради компјутерска грешка, а степенот на проблемот сè уште не е познат и се работи на негово решавање, изјавија вечерва извори блиски до организацијата на церемонијата.
![Некои влезници за свеченото отворање на Олимписките игри се неважечки поради компјутерска грешка](https://mia.mk/index.php/images/20240726193736_big_730x400_91.webp )
Париз, 26 јули 2024 (МИА) – Неколку билети за церемонијата на отворањето на Олимписките игри (ОИ) се неважечки поради компјутерска грешка, а степенот на проблемот сè уште не е познат и се работи на негово решавање, изјавија вечерва извори блиски до организацијата на церемонијата.
На социјалните мрежи имаше коментари од луѓе дека не можат да пристапат на трибините на брегот на Сена, бидејќи билетите на мобилните телефони им се неважечки.
Од службата посветена на практични прашања за време на ОИ велат дека неколку лица се пожалиле на проблемот и оти засега немаат други детали.
- Проблемот е пријавен и се решава, рекол претставник на службата.
Најпогодени се гледачите кои добиле бесплатни билети за трибините за стоење на кои беа поканети околу 220.000 луѓе.
Олимписките игри официјално почнуваат вечерва и ќе траат до 11 август. јт/
Фото: ЕПА