Најмалку петмина загинати во Киев
- Најмалку пет лица загинаа при денешниот руски напад врз главниот град на Украина, Киев
![Најмалку петмина загинати во Киев](https://mia.mk/index.php/images/20240708111742_big_730x400_28.webp )
Киев, 8 јули 2024 (МИА) – Најмалку пет лица загинаа при денешниот руски напад врз главниот град на Украина, Киев.
- До оваа минута се пријавени петмина убиени. Информациите се ажурираат, објави шефот на градската воена администрација, Сергиј Попко на Телеграм.
Претседателот на Украина, Володимир Зеленски изјави дека руските сили денеска лансирале десетици проектили насочени кон неколку украински градови, а главниот град се соочува со редок воздушен напад во текот на денот.
- Руските терористи уште еднаш масовно ја нападнаа Украина со проектили. Различни градови: Киев, Дњепар, Криви Риг, Славјанск, Краматорск. Повеќе од 40 проектили од различен тип. Оштетени се станбени згради, инфраструктура и детска болница, наведе Зеленски. ми/
фото: ЕПА