Муцунски во Австрија на средба со министерот за надворешни работи Шаленберг
- За време на посетата, Муцунски ќе се сретне и со претставници од нашата дијаспора во Австрија.
![Муцунски во Австрија на средба со министерот за надворешни работи Шаленберг](https://mia.mk/index.php/images/20240723174805_big_730x400_23.webp )
Скопје, 24 јули 2024 (МИА) - Министерот за надворешни работи и надворешна трговија Тимчо Муцунски, денеска ќе престојува во работна посета на Австрија, каде ќе оствари билатерална средба со министерот за европски и надворешни работи, Александар Шаленберг.
На средбата, како што соопшти Министерството за надворешни работи и надворешна трговија, ќе бидат разгледани можностите за унапредување на билатералните односи, со посебен фокус на економската соработка и бизнис релациите.
Воедно, ќе стане збор и за нашиот процес за интегрирање во Европската унија.
За време на посетата, Муцунски ќе се сретне и со претставници од нашата дијаспора во Австрија. дма/мд/
Фото: МНР