Министерката Костадиновска-Стојчевска во посета на Делчево
- Според агендата од Министерството за култура, Костадиновска-Стојчевска ќе оствари средба со градоначалникот Горан Трајковски и ќе направи обиколка на делот од Спомен-домот на АСНОМ, каде во тек се последните активности од Проектот за реконструкција и санација на малата сала, поддржан од Програмата за капитални дотации во културата за единиците на локалната самоуправа.
![Министерката Костадиновска-Стојчевска во посета на Делчево](https://mia.mk/index.php/images/20231221085159_big_730x400_17.webp )
Делчево, 21 декември 2023 (МИА) - Министерката за култура Бисера Костадиновска-Стојчевска, денеска е во работна посета на општина Делчево.
Според агендата од Министерството за култура, Костадиновска-Стојчевска ќе оствари средба со градоначалникот Горан Трајковски и ќе направи обиколка на делот од Спомен-домот на АСНОМ, каде во тек се последните активности од проектот за реконструкција и санација на малата сала, поддржан од Програмата за капитални дотации во културата за единиците на локалната самоуправа.
На покана на ФГ „Копачка“, министерката за култура ќе присуствува и на свеченото дефиле по повод одбележувањето на 75 години од постоењето на ЗФГ „Копачка“ и 20 години од донесувањето на Конвенцијата за заштита на нематеријално културно наследство на УНЕСКО. цр/бак/
Фото: МИА архива