Миграцискиот бран кон Бугарија е намален за 70 отсто, изјави директорот на Граничната полиција по средбата со извршниот директор на Фронтекс
- Миграцискиот бран кон Бугарија е намален за 70 отсто, изјави директорот на Генералниот директорат на граничната полиција, Антон Златанов, по средбата со извршниот директор на Фронтекс, Ханс Лајтенс. Наша цел е да го задржиме ова добро ниво. Тимовите на Фронтекс, кои се на нашата граница со Турција и се тројно поголеми од 2023 година, ќе останат најмалку до крајот на оваа година. На секои три месеци се носи одлука за продолжување на оваа мисија, посочи Златанов
![Миграцискиот бран кон Бугарија е намален за 70 отсто, изјави директорот на Граничната полиција по средбата со извршниот директор на Фронтекс](https://mia.mk/index.php/images/20240827150305_big_730x400_79.webp )
Софија, 27 август 2024 – Миграцискиот бран кон Бугарија е намален за 70 отсто, изјави директорот на Генералниот директорат на граничната полиција, Антон Златанов, по средбата со извршниот директор на Фронтекс, Ханс Лајтенс. Наша цел е да го задржиме ова добро ниво. Тимовите на Фронтекс, кои се на нашата граница со Турција и се тројно поголеми од 2023 година, ќе останат најмалку до крајот на оваа година. На секои три месеци се носи одлука за продолжување на оваа мисија, посочи Златанов.
Ова е веста, која денеска ја избра МИА од сервисот на Бугарската телеграфска агенција (БТА), согласно Договорот за размена на информации и професионална соработка, кој предвидува секој ден националните информативни агенции на Северна Македонија и Бугарија да разменуваат по една вест, која ќе ја објават на својот интернет сајт без промени со изрично посочување и цитирање на партнерот како извор.
Случајот Солинген ни е расчистен. Од притвореникот беше побарано да се врати кај нас според Даблинската регулатива. Тогаш нашата земја ја изрази својата согласност. Колегите од Германија и Австрија не го открија, истакна Златанов.
Неговиот коментар е за информации во германските медиуми дека Сириецот, осомничен за нападот со нож во германскиот град Солинген, требало да биде депортиран во Бугарија минатата година.
При интервјуирање на мигранти во нашата земја, многу внимателно се проценува, а во случај на сомнеж, овие лица се предаваат на други служби. Бугарија не ги потценува овие факти, изјави директорот на „Граничната полиција“ и додаде дека моментално сме на врвот на мигрантскиот бран. Бугарија има одлична интеракција со Фронтекс. Нашата соработка е во две насоки – на терен и во почитување на основните права, рече Златанов.
Мора да се нагласи исклучителната важност на интеракцијата на национално ниво и мора да се придружиме на нашите напори, рече од своја страна Ханс Лејтенс.
Тој посочи дека треба да ѝ се честита на бугарската гранична полиција за напорите за заштита на европските граници. Лајтенс потсети и дека капацитетот на вработените во Фронтекс долж бугарско-турската граница е тројно зголемен.
Сето ова не значи дека нема да има тешкотии и предизвици што треба да се решаваат понатаму. Најважно е дека работиме заедно и ќе продолжиме да го правиме тоа напред, рече извршниот директор на Фронтекс.
Нема ниту едно прашање за кое не можеме да разговараме со нашите партнери во Бугарија, рече Лајтенс и се заблагодари на нашата земја за соработката.
Медиумската информативна агенција овие текстови ги објавува во оригинална форма, согласно Договорот за размена на информации и професионална соработка меѓу двете национални новински агенции МИА и БТА.