Лукаку сака да остане во Рома, Челси е подготвен за продолжување на позајмицата
- Без Лукаку, Рома се мачеше во нападот во поразот од Болоња со 3-1 во понеделникот. Истото се случуваше и на претходните натпревари без него. Рома има три порази во три натпревари без Лукаку во својот тим
![Лукаку сака да остане во Рома, Челси е подготвен за продолжување на позајмицата](https://mia.mk/index.php/images/20240424183401_big_730x400_40.webp )
Рим, 24 април 2024 (МИА) - Напаѓачот на Рома, Ромелу Лукаку се надева дека ќе остане во италијанската престолнина и по оваа сезона и смета на „волците“ да се договорат со англиски Челси, кој ги има неговите трансфер права, пишуваат италијанските медиуми.
На Лукаку му е удобно во Рим, се адаптира во клубот и добро се согласува со тренерот Даниеле Де Роси, кој неодамна потпиша нов договор и следната сезона ќе ја води Рома.
Де Роси би сакал Лукаку да биде на располагање следната година и сопствениците на клубот ќе се обидат да ја исполнат неговата желба.
Челси бара 40 милиони евра за да се раздели со Белгиецот, но според информациите се подготвени за попуст во износот или продолжување на закупот.
Без Лукаку, Рома се мачеше во нападот во поразот од Болоња со 3-1 во понеделникот. Истото се случуваше и на претходните натпревари без него. Рома има три порази во три натпревари без Лукаку во својот тим.
Лукаку моментално се опоравува од повредата и ќе го пропушти доигрувањето на натпреварот против Удинезе. Натпреварот ќе продолжи утре при резултат 1:1, откако беше прекинат минатиот викенд поради колапсот на теренот на дефанзивецот на Рома, Еван Ндика. дс
Фото: Фејсбук/АС Рома