Локалната власт на Белград ќе донира по 20.000 динари за секој ученик
- Вршителот на должност градоначалник на Белград, Александар Шапиќ најави дека родителите на учениците во основно и средно училиште ќе добијат по 20.000 динари (околу 170 евра), средства наменети за купување на учебници
![Локалната власт на Белград ќе донира по 20.000 динари за секој ученик](https://mia.mk/index.php/images/20240416133317_big_730x400_80.webp )
Белград, 16 април 2024 (МИА) – Вршителот на должност градоначалник на Белград, Александар Шапиќ најави дека родителите на учениците во основно и средно училиште ќе добијат по 20.000 динари (околу 170 евра), средства наменети за купување на учебници.
Градот Белград минатата година набави комплети учебници за сите ученици во основно и средно училиште.
- Одлучивме оваа година наместо учебници за основците и средношколци, што првпат го воведовме минатата година, да одиме чекор понатаму и да обезбедиме по 20.000 динари по дете, посочи Шапиќ.
Тој посочи дека сумата за помош на родителите е 15 проценти поголема од максималната вредност на комплет учебници. ми/
фото: МИА архива