Лидерот на Хезболах во телевизиско обраќање им се закани на Израел и Кипар
- Лидерот на либанската шиитска група Хезболах, Хасан Насрала денеска се закани дека неговото движење ќе се бори „без правила“ и „без горна граница“ доколку избие поширок воен конфликт со Израел и дека нема да има место во Израел заштитено од напади на Хезболах.
![Лидерот на Хезболах во телевизиско обраќање им се закани на Израел и Кипар](https://mia.mk/index.php/images/20240619185045_big_730x400_10.webp )
Бејрут, 19 јуни 2024 (МИА) - Лидерот на либанската шиитска група Хезболах, Хасан Насрала денеска се закани дека неговото движење ќе се бори „без правила“ и „без горна граница“ доколку избие поширок воен конфликт со Израел и дека нема да има место во Израел заштитено од напади на Хезболах.
Во телевизиско обраќање, Насрала, исто така, рече дека тоа вклучува можни цели во Медитеранот.
Лидерот на Хезболах, исто така, за прв пат му се закани на Кипар, велејќи дека групата може да го смета за „дел од војната“ доколку продолжи да му дозволува на Израел да ги користи неговите аеродроми и бази за воени вежби. рп/
Фото: МИА архива