Лапорта: Меси ќе се врати во Барселона
- Претседателот на Барселона, Жоан Лапорта, за време на разговорот со навивачите пред натпреварот од 29. коло на шпанското првенство против Хетафе (0:0), изјави дека напаѓачот на ПСЖ, Лионел Меси наскоро ќе се врати во каталонскиот тим.
![Лапорта: Меси ќе се врати во Барселона](https://mia.mk/index.php/images/20230417113204_big_730x400_63.webp )
Барселона, 17 април 2023 (МИА) - Претседателот на Барселона, Жоан Лапорта, за време на разговорот со навивачите пред натпреварот од 29. коло на шпанското првенство против Хетафе (0:0), изјави дека напаѓачот на ПСЖ, Лионел Меси наскоро ќе се врати во каталонскиот тим.
На програмата на „Cadena SER Carrusel Deportivo“ се појави видео во кое Лапорта одговара на прашањето: „Дали Меси ќе се врати во Барса“. На прашањето што го постави навивач, функционерот гласно и јасно одговори: „Да“.
Аргентинецот веќе играше за каталонскиот клуб од 2005 до 2021 година. Како дел од каталонскиот тим одигра 778 натпревари, постигна 672 гола и 303 асистенции.
Актуелниот договор на 35-годишниот Меси со ПСЖ е со важност до крајот на сезоната. Тој оваа сезона одигра 34 натпревари, постигна 19 голови и 18 асистенции. зс/
Фото: ЕПА