Курти со честитка до Мицкоски: Не сме само соседи, туку и сојузници и блиски партнери
- Според соопштението на владината прес-служба, Курти во честитката нагласил дека Косово и Северна Македонија не се само соседи, туку и „сојузници и блиски партнери во НАТО-ориентацијата, регионалната соработка и интеграцијата во Европската унија“.
![Курти со честитка до Мицкоски: Не сме само соседи, туку и сојузници и блиски партнери](https://mia.mk/index.php/images/20240625161121_big_730x400_73.webp )
Приштина, 25 јуни 2024 (МИА) – Косовскиот премиер, Албин Курти упати честитка за изборот на Христијан Мицкоски за претседател на македонската Влада, јави дописникот на МИА од Приштина.
Според соопштението на владината прес-служба, Курти во честитката нагласил дека Косово и Северна Македонија не се само соседи, туку и „сојузници и блиски партнери во НАТО-ориентацијата, регионалната соработка и интеграцијата во Европската унија“.
- Од патот Призрен-Тетова, до одбраната и безбедноста, со нетрпение очекувам да работам со вас за натамошно подобрување на нашите веќе цврсти билатерални односи, порача Курти. иа/лв/