Ковачевски: Евроинтеграциите се единствениот процес кој може да донесе позитивни промени во државата
- Претседателот Ковачевски се осврна и на расположението кај граѓаните врзано со долгиот процес на евроинтеграции при што посочи дека гледа дека граѓаните се помалку и заморени од тој процесот.
![Ковачевски: Евроинтеграциите се единствениот процес кој може да донесе позитивни промени во државата](https://mia.mk/index.php/images/20240408125726_big_730x400_38.webp )
Скопје, 8 април 2024
Ако некој добро знае што зборуваат граѓаните, тогаш тоа сум јас и точно знам дека граѓаните се незадоволни од дел од работите што се случуваат во минатиот период во однос на високите цени, на владеењето на правото, борбата со корупцијата. И можам да кажам дека ако некој е одговорен за тоа, со оглед на тоа што јас бев 2 години премиер, тогаш јас сум тој којшто е одговорен и јас ја земам одговорноста. – посочи претседателот на СДСМ Димитар Ковачевски во интервјуто за Фронтлајн.
Претседателот Ковачевски се осврна и на расположението кај граѓаните врзано со долгиот процес на евроинтеграции при што посочи дека гледа дека граѓаните се помалку и заморени од тој процесот.
-Понекогаш и јас го чувствувам тој замор, меѓутоа тоа е единствениот процес којшто во нашата држава може да донесе позитивни промени. Заради тоа знам дека граѓаните ќе изберат опција на претстојните избори и претседателски и парламентарни која опција ја предводиме СДСМ и коалицијата за европска иднина и претседателскиот кандидат Стево Пендаровски. И ќе изберат извесна европска иднина за Република Македонија и ќе бидеме членка на ЕУ. – рече Ковачевски во интервјуто денес.
Ковачевски: Благодарение на лидерството на СДСМ, денес Македонија е стабилна, безбедна земја, членка на НАТО со отпочнати преговори со ЕУ
Пред 31 година ние станавме земја членка на ОН, под времена референца со оглед на отвореното прашање кое уште од самиот почеток го имавме со Грција и кое прашање остана незатворено уште 27 години. Меѓутоа тогаш благодарение на храброста и одлучноста на претседателот Киро Глигоров и тогашното водство Македонија стана земја членка на ОН а знаевме колку тоа е значајно за градење на една независна држава. – истакна претседателот на СДСМ Димитар Ковачевски во интервјуто за Фронтлајн.
Апсолутно дека имаше отпор и од исти или слични актери коишто ги правеа отпорите при зачленувањето во НАТО. Нашиот отворен процес на преговори со Грција траеше 27 години ако не се лажам. И иако Нимиц го доврши процесот до крај, беше потребно некој којшто како Киро Глигоров што донесе одлука да имаме лидер кој ќе донесе одлука во однос на зачленувањето во НАТО а тоа значеше и решавање на деценискиот проблем отворен со Грција. Ние денес сме земја членка на НАТО и сега гледаме во услови на војна на европскиот континент што значи де се биде дел од најголемата безбедносна одбранбена организација во светот. – рече Ковачевски
И на крајот гледате дека ние отпочнавме преговори со ЕУ. Тоа беше тешка одлука, тоа е одлука која јас ја носев. Чувството на тие преговори е веројатно исто како чувството како и на тие преговори кои ги имал Зоран Заев при преговорите за влез во НАТО и Киро Глигоров при преговорите за влез во ОН. Но, на крајот на денот, знам дека и граѓаните го делат тоа чувство, тоа чувство е како некој со нож да ви го сече стомакот. Кога преговарате меѓутоа од друга страна, лидерот мора да преземе одговорност и да донесе одлука која ќе донесе подобро утре и за нашите деца и за нашите внуци. – истакна претседателот на СДСМ Димитар Ковачевски во интервјуто за Фронтлајн.
Ковачевски: Знам дека не им е лесно на пензионерите, во новиот мандат просечната пензија ќе биде 30.000 ден., а минималната пензија 20.000 ден.
Претседателот на СДСМ Димитар Ковачевски во интервјуто за Фронтлајн се осврна и на состојбата со платите и пензиите во државата како и со животниот стандард на граѓаните, при што посочи дека со правилните политики на Владата предводена од СДСМ, пензиите и платите се зголемија, а во време на најголема економска и енергетска криза никој не беше оставен сам.
-Во однос на пензиите, пензиите се за 50% зголемени во однос на она што беше во 2016 година, минималната пензија е исто така зголемена за 50%. Никого не оставивме сам. Во изминатиот период обезбедивме 2,6 милијарди евра помош антикризни мерки за граѓаните, за одржување на ликвидноста на компаниите итн. Ги задржавме работните места, 80 000 работни места спасивме во време на корона кризата, јас лично работев на тие антикризни мерки. За самохраните родители, социјалната помош ја зголемивме 300%, за пензионерите обезбедивме 5 месечни финансиски исплати до 3000 денари зависно од висината на пензијата – рече Ковачевски.
-Пак повторувам, јас знам дека не е лесно и ја знам дека не е доволно и затоа велам дека во новата програма ќе продолжиме и со зголемувањето на пензиите. Ако некој во минатото можеше да каже дека СДСМ не секогаш на економски план ги исполнува ветувањата сега никој не може да го каже тоа, бидејќи мојата влада докажа дека СДСМ ги исполнува ветувањата. Затоа ветуваме до 2028 година 1 100 евра просечна плата и 600 евра минимална плата. Не е тоа таксативно само напишано, тоа е врз основа на анализи, а со влезот во ЕУ 1 300 евра просечна плата и 800 евра минимална плата. Кај пензиите просечната пензија ќе биде 30 000 денари а минималната пензија ќе биде 20 000 и тоа има да донесеме закон за минимална пензија – истакна претседателот на СДСМ Димитар Ковачевски во интервјуто за Фронтлајн.
СДСМ - Центар за комуникации со јавноста
Фото: СДСМ
__________________________________________________________
МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.