Кина изрази противење на негативната оценка во трговскиот извештај на Америка
- Кинеското Министерство за трговија денеска соопшти дека се противи на американскиот извештај за надворешно-трговските бариери, во кој се вели дека Кина е земја која претставува „клучна грижа“ за Вашингтон.
![Кина изрази противење на негативната оценка во трговскиот извештај на Америка](https://mia.mk/index.php/images/20240402165839_big_730x400_15.webp )
Пекинг, 2 април 2024 (МИА) – Кинеското Министерство за трговија денеска соопшти дека се противи на американскиот извештај за надворешно-трговските бариери, во кој се вели дека Кина е земја која претставува „клучна грижа“ за Вашингтон.
Американскиот извештај за проценката на надворешно-трговските бариери, објавен на 29 март, „не даде никаков доказ дека релевантните политики и практики на Кина ги прекршиле правилата на Светската трговска организација (СТО), но ја обвини Кина дека има непазарни бариери во земјоделството и политиката на податоци“, изјави портпаролот на кинеското министерство.
Тој рече дека Америка треба да престане „лажно да обвинува“ други земји, како и да ги почитува правилата на СТО и да одржува фер меѓународен трговски поредок. јт/
Фото: МИА архива