Иран повтори дека ќе одговори на убиството на Ханија
- Иранскиот министер за надворешни работи Абас Арагчи повтори дека неговата земја ќе одговори на убиството на политичкиот лидер на милитантната група Хамас, Исмаил Ханија, минатиот месец во Техеран.
![Иран повтори дека ќе одговори на убиството на Ханија](https://mia.mk/index.php/images/20240826102333_big_730x400_48.webp )
Техеран, 26 август 2024 (МИА) – Иранскиот министер за надворешни работи Абас Арагчи повтори дека неговата земја ќе одговори на убиството на политичкиот лидер на милитантната група Хамас, Исмаил Ханија, минатиот месец во Техеран.
- Реакцијата на Иран на израелскиот терористички напад во Техеран е конечна и ќе биде одмерена и добро пресметана. Не се плашиме од ескалација, но не ја бараме – за разлика од Израел, напиша Арагчи на Х.
Арагчи изјави дека тоа го кажал во телефонски разговор со италијанскиот министер за надворешни работи Антонио Тајани. јт/