Тел Авив, 26 септември 2024 (МИА) - Израелското Министерство за одбрана  соопшти дека обезбедило пакет помош од 8,7 милијарди долари од САД за поддршка на тековните воени напори на земјата, вклучително и надградба на системите за противвоздушна одбрана.

„Пакетот вклучува 3,5 милијарди долари за основни набавки за време на војна... и 5,2 милијарди долари наменети за системи за противвоздушна одбрана, вклучувајќи ги Железната купола  и напредниот ласерски систем“, се вели во соопштението на Министерството. зш/