Енергетската безбедност и подготовките за зимата 2024/25 теми на средбата на министрите за енергија на ЕУ
- Дополнително министрите за енергија ќе расправаат и за препораката на Европската комисија за продолжување на координираните мерки меѓу земјите членки за намалување на потрошувачката за гас, како и за алатките за спроведување на енергетската транзиција.
![Енергетската безбедност и подготовките за зимата 2024/25 теми на средбата на министрите за енергија на ЕУ](https://mia.mk/index.php/images/20240303211223_big_730x400_85.webp )
Брисел, 4 март 2024 (МИА) - Безбедноста на снабдувањето со енергенси и подготовките за зимата 2024-2025 година ќе бидат главни теми на денешното заседание на Советот на ЕУ за транспорт, телекомуникации и енергија во Брисел на ниво на министрите на 27-те земји членки на Унијата задолжени за енергетскиот ресор.
Како што јави дописникот на МИА од Брисел, дополнително министрите за енергија ќе расправаат и за препораката на Европската комисија за продолжување на координираните мерки меѓу земјите членки за намалување на потрошувачката за гас, како и за алатките за спроведување на енергетската транзиција.
Со Советот ќе претседава белгиската министерка за енергија Тине Ван дер Страетен, чија земја е актуелен претседавач со ЕУ, а на заседанието ќе присуствува и еврокомесарката за енергија Кадри Симсон. сп/
Фото: МИА Архива