Берлин, 30 август 2024 (МИА) – Покраините на територијата на поранешна Источна Германија ќе се соочат со посериозен недостиг на работна сила пред сè поради стареење на населението, изјави денеска претседателот на Федералната агенција за вработување, Андреа Налес.

Таа истакна дека 35 години по обединувањето на Германија продолжуваат демографските разлики помеѓу источните и западните покраини.

Населението на поранешна Источна Германија е постаро и покраините се соочуваат со поакутен недостиг на работна сила од поранешна Западна Германија. Поради тоа тие се позависни од имигрантите, кои треба да ги пополнат слободните работни места бидејќи сè повеќе жители достигнуваат возраст за пензионирање.

Сепак, силните антиимигрантски чувства во многу делови од источните провинции го отежнуваат решавањето на овие прашања, блокирајќи го пристапот до потребните странски работници.

- Во исто време, додека вкупниот број на вработени во поранешна Западна Германија продолжува да расте, а во источниот дел на земјата бележи пад, наведе Налес. ми/

фото: МИА архива