„Диарио Спорт“: Меси ќе ја добие осмата Златна топка, фудбалерката Барселона, Бонмати ќе ја освои првата
- Лионел Меси ќе ја добие Златната топка во 2023 година. Ова го пренесува шпанскиот спортски портал „Diario Sport“. При гласањето беше земена предвид победата на репрезентацијата на Аргентина на Светското првенство во 2022 година, бидејќи минатата година наградата беше доделена пред почетокот на Светското првенство.
![„Диарио Спорт“: Меси ќе ја добие осмата Златна топка, фудбалерката Барселона, Бонмати ќе ја освои првата](https://mia.mk/index.php/images/20231017144417_big_730x400_9.webp )
Мадрид, 17 октомври 2023 (МИА) - Лионел Меси ќе ја добие Златната топка во 2023 година. Ова го пренесува шпанскиот спортски портал „Diario Sport“. При гласањето беше земена предвид победата на репрезентацијата на Аргентина на Светското првенство во 2022 година, бидејќи минатата година наградата беше доделена пред почетокот на Светското првенство.
Меси по осми пат во кариерата ќе ја добие Златната топка. Претходно, наградата ја освои во 2009, 2010, 2011, 2012, 2015, 2019 и 2021 година.
Победничка во женска конкуренција ќе биде Аитана Бонмати од Барселона и шпанската женска репрезентација. Таа во 2023 година беше прогласена за најдобра фудбалерка во Лигата на шампионите и Светското првенство. Ова ќе биде прва „Златна топка“ во нејзината кариера.
Церемонијата на доделување на Златната топка ќе се одржи во Париз на 30 октомври. зс/
Фото: ЕПА